http://sadabladi.com/news1791.html
شباط لصدى بلادي :" أنا سيكليس ، ولهذا اكتشفت عطب عجلات الحكومة .
صدى بلادي : حاوره الشرقي بن محمد
في
هذا الحوار الإفتراضي يكشف حميد شباط عن بعض من فصول عن حياته المثيرة ،
كما يوضح الاسباب الحقيقية التي دعته إلى إعلان الإنسحاب من الحكومة
وتراجعه عن ذلك بعد المكالمة الملكية .
بداية مرحبا بك أستاذ حميد شباط
ترحب
بكم الجنة ولكن حشومة تقولي ليا أستاذ أو دكتور أنا فوق هؤلاء جميعا ، لقد
كنت قائدا لهم في النقابة وها أنا أقودهم اليوم في الحزب ، ويوافقونني كل
أرائي بمعنى انني فوق الأستاذ والدكتور .
س: تيقولوا بأنك سيكليس هل هذا صحيح ؟
ج: أكيد أنني سيكليس ، ولهذا اكتشفت بعض العطب في عجلات الحكومة فحاولت إصلاحه .
س: مجرد سيكليس ووصلت إلى رئاسة حزب الإستقلال ؟؟
شوف
أولدي السياسة في المغرب هي هادي ممكن تكون غير ناعس حتى تولي أمين عام او
رئيس حكومة ، أنا معليا والو ، سول الأساتذة والدكاترة والنخب الي صوتو
عليا ، واش هما صوتو عليا وأنا نقول ليهم راني سيكليس وايلي الله ينعل
الشيطان .
س: نريد أن نفهم سبب هجومك المتكرر على وزراء الحكومة ؟
شوف ، هدوك الوزراء تيحساب ليهم أن شباط حيت ما قاريسش مفيدوش ، انا بغيت نوريهم بأنني وخا ماشي وزير كنقدر نتحكم في الوزراء ؟
س : يقال بأنك مجرد دمية في يد الجهات العليا ؟
شكون هاد الجهات العليا؟
س: الجهات التي تدعمك ؟
مكاين
لا دعم ولاهم يحزنون مصالح متبادلة وصافي ، هما بغين العجلة ديال الإصلاح
توقف ، وأنا باغي نخرج سالم من القضايا والملفات الي عندي في المحكمة هادي
هي الحقيقة .
س اييه ، وبنكيران مالك معاه ؟
هداك اعتبرني عفريت وكان غالط ميحسبش ليه غادي نولي امين عام ديال الإستقلال .
س: لماذا لم تكملوا انسحابكم من الحكومة ؟
لأن جلالة الملك اتصل بينا .
س: ايوا وفينا هيا الإستقلالية ؟
أودي سير الله يهديك واش صدقتي بأننا باغيين نخرجوا را ولفنا البزولوة غير هو مبقينش كنرضعوا على خواطرنا .
المرجو التعليق على هذه الاسماء ؟
فؤاد علي الهمة ؟
صديق عزيز وأظن بانه كان غالط شحال هادي كن غير عول عليا ومدارش الأصالة والمعاصرة .
ياسمينة بادوا : كانت ضرسة صحيحة ديال الإستقلال في الصحة وبغينا نردها الى يسر الله .
نجيب بوليف .
هو علاش نايضة القربالة كاملة لانه بغا يصلح صندوق المقاصة .
No comments:
Post a Comment